Manyarahnya Japang

Artikal ini masih dalam paubahan ganal sagan samantara waktu. Sagan mahindari kunflik pambabakan, dimuhun kada manggawi pambabakan salawas pasan ini ditampaiakan. Halaman ini terakhir disunting 0 hari 0 menit lalu.

Manyarahnya Japang pas bulan Agustus 1945 mananda'akan ampihnya Perang Dunia II. Angkatan Laut Kakaisaran Japang mulai Agustus 1945 hudak kadada lagi, pahadangan invasi Sakutu ka Japang sisa satumat haja lagi. Biar kahandak gasan malawan sampai habis disambatakan sacara tabuka, pamimpin Japang matan Déwan Panasihat Militér Japang sacara paribadi maminta lawan Uni Soviet gasan umpat sabagai panangah dalam parjanjian damai lawan syarat-syarat mang ma'untungakan Japang. Pahadangan ngitu, Uni Soviet basiap-siap jua gasan manyarang Japang dalam usaha buhannya manggawi janji ka Amérika Sarikat wan Inggeris di Konferensi Yalta.

Pas 6 Agustus wan 9 Agustus, Amérika Sarikat manggugurakankan bom atom di Hiroshima wan Nagasaki. Pas 9 Agustus, Uni Soviet bakajutan manyarbu koloni Japang di Manchuria (Manchukuo) nang malanggar Pakta Netralitas Soviet–Jepang. Kaisar Hirohito umpat campur imbah timbul dua paristiwa nang mangajutakan ngitu, wan manyuruh Déwan Panasihat Militér gasan mahakuni syarat-syarat nang ditawarakan Sakutu dalam Déklarasi Potsdam. Imbah barunding di balik layar salawas sapalihan hari, wan kudéta nang gagal, Kaisar Hirohito manyampaiakan pidato radio di hadapan rakyat pas 15 Agustus 1945. Dalam pidato radio nang disambat Gyokuon-hōsō (Siaran Suara Kaisar), Hirohito mambaca'akan Suruhan Kakaisaran masalah kapitulasi, sakaligus maumumakan ka rakyat bahwa Japang hudah manyarah ka Sakutu.

Pandudukan Japang ulih Komandan Tartinggi Sakutu bamula pas 28 Agustus. Upacara kapitulasi diadakan pas 2 September 1945 di atas kapal tampur Amérika Sarikat Missouri. Dokumen Kapitulasi Japang nang ditandatangani pas hari ngitu ulih pajabat pamarintah Japang sscara rasmi maampihakan Parang Dunia II. Panduduk sipil wan angguta militer di nagara-nagara Sakutu merayakan Hari Kamanangan atas Japang (V-J Day). Biar nang kaya ngitu, sapalihan pos komando tarpancil wan pasukan militer matan kasatuan di palosok-palosok Asia babulan-bulan kada hakun manyarah maka ada jua nang sampai batahun-tahun. Imbah kapitulasi Japang, sajarawan balain pandapat tarus masalah étika mamakai bom atom. Perang antara Japang wan Sakutu sacara rasmi ampih imbah Perjanjian San Francisco mulai balaku pas tanggal 28 April 1952. Ampat tahun imbah ngitu, Japang wan Uni Soviet manandatangani Déklarasi Baimbai Soviet–Jepang 1956 nang sacara rasmi maampihakan parang antara kadua nagara ngitu.